Ötən gün Bakı Kitab Mərkəzində litvalı hərbi jurnalist-fotoqraf, Xocalı soyqırımına həsr olunmuş “Sonsuz dəhliz” filminin həmmüəllifi Riçardas Lapaitis ilə görüş baş tutub. Bu haqda bu gün, 5 dekabr tarixində Bakuplus.az Azərtac-a istinadən məlumat verir.
Görüşdə ictimai fəallar, incəsənət xadimləri və media nümayəndələri iştirak ediblər.
Lapaitis görüşün çox önəmli və bənzərsiz olduğunu deyib.
“Bu gün xüsusi bir tədbir keçirildi. Mən onu “ürəkdən gələn söhbət” və ya “şəhidin səsi” adlandıra bilərəm. Niyə belə deyirəm? Çünki bugünkü görüşdə toplaşan hər kəs öz hekayələrində Azərbaycan əsgərinin, şəhidlərinin, otuz il davam edən dəhşətli işğalın sona çatması uğrunda sahib olduqları ən dəyərli olanın – oğulların, qızların, ana və ataların xatirəsini ehtiramla yad etdi”, – deyə jurnalist öz çıxışında qeyd edib.
[caption id="attachment_122158" align="alignnone" width="640"]
Foto Azərtac.az[/caption]
