Bakıda suyun keyfiyyəti standartlara uyğundurmu? Bu haqda bu gün, 28 mart tarixində Bakuplus.az İctimai TV-yə istinadən xəbər verir.
Azərbaycan içməli su mənbələri məhdud ölkələrdən hesab edilir. Ölkənin yerüstü su ehtiyatlarının həcmi 27 min kubmetrdir. Şirin su qaynaqlarının əsasını çay, göl və buzlaqlar təşkil edir. Həmçinin suyun təmizliyinə nəzarət də vacibdir.
Son zamanlar Bakının su hövzələrində çirklilik səviyyəsinin artması insanları narahat edir. Bu səbəbdən də bəzi sakinlər suyu filtrlər vasitəsilə təmizləməyə çalışırlar.
“Filtrsiz gələn su bütün sistemlərdə ərp yaradır. Qumlu olur, bakteriyalı ola bilər. Ona görə filtrin evdə olması vacib şərtdir. Orada su xlordan, ağır metallardan, bəzən suda olan çirkli daşdan, qumdan, çirkdən təmizlənə bilir”, – deyə satıcı Aqşin Məmmədov qeyd edib.
“Azərsu”dan bildirildi ki, belə hallar daha çox məhəllədaxili anbarların vaxtlı-vaxtında təmizlənməməsi ilə bağlıdır.
“Bakı şəhərinə verilən suyun keyfiyyət göstəriciləri standartlara tam uyğundur. Onun hər hansı bir təmizlənməsinə biz ehtiyac görmürük. Biz “Azərsu” ASC olaraq zaməanət veririk ki, bu gün kranlardan istifadə olunan suyun insan orqanizmi üçün heç bir təhlükəsi yoxdur”, – deyə Anar Cəbrayıllı vurğulayıb.
