Azərbaycanda sıfır emissiyalı avtomobillər taksi xidmətində istismar olunacaq. Bu haqda bu gün, 23 iyul tarixində Bakuplus.az Fed.az-a istinadən məlumat verir.
Verilən məlumata görə, layihə “BOLT” şirkəti tərəfindən həyata keçiriləcək. Ölkəyə 20-dən çox markalı premium elektromobil, eləcə də 300-ə yaxın sıfır emissiya səviyyəli avtomobil gətiriləcək.
“Hazırda bu, pilot layihədir, gələn il biz daha çox avtomobil əlavə etməyi planlaşdırırıq. Avtoparklara yeni avtomobillər təqdim etməklə biz regionun sıfır emissiyalı müasir nəqliyyat ehtiyacını ödəyirik”,- məlumatda bildirilir.
Elektromobillər arasında “Leapmotor C11”, “Honda ENS”, “Volksvagen id06”, “Tesla Model 3”, “BYD2” kimi elektrik modelləri də var.
