Bakıda ali məktəbdə xarici görünüşə görə tələbələr dərsə buraxılmırlar. Bu haqda bu gün, 1 may tarixində Bakuplus.az Baku TV-yə istinadən xəbər verir.
Ali təhsil ocaqlarından birində oğlan tələbələr saqqala görə dərsə buraxılmayıblar. Bu səbəbdən də onlar bir neçə gündür tədris ala bilmirlər.
“Pakistanlı gəlir uzun saqqalla, onu buraxırlar. Mən bu qədər pul ödəyirəm. Hansı qanunda var ki, saqqalla universitetə olmaz”, - deyə tələbələr şikayət edirlər.
Xanım tələbələr də xarici görünüşlərinə görə bəzən universitetə buraxılmadıqlarını deyirlər.
Vəkil Rəşad Əliyev bildirib ki, ali təhsil müəssisələri daxildə bəzi məhdudiyyətlər tətbiq edə bilər, ancaq bu qadağalar tələbənin hüquqlarını pozmamalıdır.
Universietin prorektoru Cavidan Heydərov isə qeyd edib ki, belə bir hal həqiqəti əks etdirmir:
“Tələbələr dərslərə gecikmişdilər, universitet rəhbərliyi də fürsətdən istifadə edərək, tələbələrlə profilaktik söhbətlər aparıb, onların təhsil ocağına daha səliqəli formada gəlmələri bildirilib”
