Yeni Günəşlidən Neftçilər metrosu istiqamətində hərəkət edən 64 nömrəli marşrutda təzə, kondisionerli avtobusların yığışdırılıb köhnə avtobuslarla əvəz edilməsi iddia olunur. Bunu jurnalist Natiq Muxtarlı öz Facebook səhifəsində paylaşıb. Bu haqda bu gün, 19 iyul tarixində Bakuplus.az məlumat verir.
Azərbaycan Yerüstü Nəqliyyat Agentliyindən bildirilib ki, həmin köhnə avtobuslar əlavə olaraq, xəttə buraxılıb.
“64 nömrəli müntəzəm marşrut xəttində gündəlik olaraq, 14-15 avtobus 5-6 dəqiqə hərəkət intervalı ilə fəaliyyət göstərir. Görüntülər günün pik saatlarında sərnişin sıxlığının qarşısını almaq üçün əlavə olaraq xəttə cəlb edilən nəqliyyat vasitəsində qeydə alınıb”, - qurumun rəsmisi Tural Orucov cavab verib.
2018-ci ildə dərc olunmuş rəsmi məlumatda 64 nömrəli müntəzəm marşrut xətti üzrə fəaliyyət göstərən şirkətlə müqaviləyə tələblərə cavab vermədiyi üçün xitam verildiyi və başqa daşıyıcı ilə müqavilə bağlandığı göstərilirdi. Həmin ildə 20 yeni avtobus istifadəyə verilmişdir.
