Bakıda yerli şirkətlərin tanıtım sərgisi keçiriləcək. Bu haqda bu gün, 21 may tarixində Bakuplus.az Report-a istinadən xəbər verir.
Bakı Ekspo Mərkəzində “5-ci yerli şirkətlərin tanıtım sərgisi” keçiriləcək. Sərgidə 200-ə yaxın yerli şirkətin sənaye, kənd təsərrüfatı, qida, İKT, təhsil, inşaat, logistika, tekstil və digər sahələr üzrə məhsul və xidmətləri nümayiş olunacaq.
Bundan əlavə, sərgidə KOBİA tərəfindən KOB-lər üçün ayrıca stend qurulacaq. Ödənişsiz olaraq bu stenddə 3 gün ərzində məhsul və xidmətlərini təqdim etmək istəyən KOB subyektləri iyunun 12-dək KOBİA-ya müraciət edə bilərlər.
Sərgi 24-26 iyun tarixlərinə qədər davam edəcək.
