Paytaxtda sentyabrın 25-də “Üzeyir Hacıbəylinin musiqi inciləri” adlı fotosərgi təşkil olunacaq. Bu haqda bu gün, 23 sentyabr tarixində Bakuplus.az AZƏRTAC-a istinadən xəbər verir.
Bakı Musiqi Akademiyasının nəzdindəki Opera Studiyasında keçiriləcək sərgidə jurnalist-fotomüxbir Rüstəm Qasımov dahi bəstəkarın operettalarından çəkdiyi şəkillər nümayiş olunacaq. Ziyarətçilər son bir neçə ildə Azərbaycan Dövlət Opera və Balet Teatrında nümayiş olunan “Leyli və Məcnun” və “Koroğlu” operaları, “Arşın mal alan” və “O olmasın, bu olsun” tamaşalarından çəkilən fotoları seyr edə biləcəklər.
Tədbirin əsas məqsədi bu il ölkəmizdə keçirilən Üzeyir Hacıbəyli Beynəlxalq Musiqi Festivalına diqqətin artırılmasıdır.
