Paytaxtın bir neçə ərazisində zibil yeşikləri tələbatı qarşılamır. Bu haqda bu gün, 11 may tarixində Bakuplus.az Xəzər Xəbər-ə istinadən məlumat verir.
Xətai rayonu, NZS qəsəbəsində sakinlərin sayı çoxalır, ancaq zibil qablarının sayı eyni qalır.
“Hardasa 700-800 metr məsafədən gətirib zibili bura atıram. Məhəllə böyükdür, kifayət etmir. Bütün mağazaların, sakinlərin zibilləri, hamısı bir nöqtəyə gətirilir”, - deyə sakinlərdən biri bildirir.
Sabunçu və Suraxanı rayonlarında da zibil yeşikləri uzun müddətdir dəyişdirilmədiyindən istismara yararsız hala düşüb. Qapaqların olmaması isə atılan tullantılardan kəskin qoxunun yayılmasına səbəb olur.
Xətai rayonu Mənzil Kommunal Təsərrüfatı Birliyinin baş mühəndisi Sahib Babayevin sözlərinə görə, zibil konteynerləri üçün 200 meydança yaradılacaq və işlərə artıq başlanılıb. 1 konteyner 275 nəfər üçün nəzərdə tutulacaq.
BŞİH-dən isə bildirirlər ki, yaxın zamanlarda bütün rayonlarda zibil meydançaları yaradılacaq.
[caption id="attachment_43932" align="alignnone" width="800"] Foto Xəzər Xəbərin rəsmi Youtube kanalı[/caption]
