Bakıdakı Respublika Pediatriya Mərkəzinin əməkdaşları iki aydır ki, maaşlarını ala bilmirlər. Bu haqda bu gün, 3 iyul tarixində Bakuplus.az Oxu.az-a istinadən məlumat verir.
2 saylı Uşaq Kliniki Xəstəxanası (Əbülfəz Qarayev adına xəstəxana kimi tanınan tibb müəssisəsi) ilk olaraq Tibbi Ərazi Bölmələrini İdarəetmə Birliyinin tabeliyində olan Kliniki Tibbi Mərkəzin (KTM), daha sonra Respublika Pediatriya Mərkəzinin icraatına verilib.
Tibb müəssisəsinin əməkdaşları TƏBİB-nin tabeliyində olan KTM-dən xaric ediliblər. Onlar yeni iş yerində rəsmi işə götürülmələrini gözləyirlər. Lakin bu proses iki aydır uzandığından işçilər maaş ala bilmirlər.
