Bakıda çimərlik mövsümünün başlamasına sayılı günlər qalıb. Sahibkarlar bununla bağlı dəniz sahillərində artıq hazırlıq işləri aparırlar. İnsanları maraqlandıran isə bu il Bakının məşhur çimərliklərində qiymətlərin necə olacağıdır. Bu günə qədər hələ ki bir neçə istirahət məkanları qiymətləri açıqlayıb.
“Sea Breeze Resort”da çimərliyə giriş qiyməti 50 AZN olub. Həmçinin əlavə 20 AZN depozit verilməlidir. Bura dəniz və hovuzlar daxildir. Digər əlavə ödəniş tələb edən qapalı hovuzlar hələ ki işləmir.
Bakının Bilgəh qəsəbəsində yerləşən “Amburan Beach” mərkəzinə giriş həftəiçi 25 AZN, həftəsonu isə 35 AZN təşkil edəcək.
Digər çimərliklər üçün qiymətlər barədə hələlik məlumat almaq mümkün olmayıb.
