Bakı küçələrində avtomobillər piyadaların yollarını kəsirlər. Bu haqda bu gün, 23 may tarixində Bakuplus.az ARB-yə istinadən xəbər verir.
Belə ki, paytaxtın mərkəzindən kənar ərazilərdə sürücülər parklanma qaydalarını kobud şəkildə pozurlar. Bəziləri piyada zolağının qarşısını kəsir, digərləri birbaşa səkinin üzərində saxlayırlar. Bu da piyadaların hərəkətinə ciddi çətinliklər yaradır. Onlar bəzi hallarda avtomobil yoluna çıxmağa məcbur olurlar.
“Uşaq arabası ilə hərəkət etmək mümkün deyil. Çox çətinliklər çəkirik”, – deyə piyadalar bildirirlər.
Ekspertlərin sözlərinə görə, avtomobillər üçün piyadaların rahatlığını qurban vermək yolverilməzdir:
“Piyadaların hərəkətinin təşkilinə qarşı heç bir halda addım atıla bilməz”, – deyə ekspert Ərşad Hüseynov qeyd edib.
Daxili İşlər Nazirliyindən məsələ ilə bağlı bildirilib ki, qayda pozuntusu aşkar olunduğu halda müvafiq tədbirlər görülür.
