Heydər Əliyev adına Müasir Təhsil Kompleksinin şagirdi ABŞ-də Azərbaycanı təmsil edəcək. Bu haqda bu gün, 16 fevral tarixində Bakuplus.az təhsil müəssisəsinə istinadən xəbər verir.
Adıçəkilən məktəbin X sinif şagirdi Amerikada keçiriləcək dünyanın ən böyük müsabiqələrindən biri olan İntel ISEF - Beynəlxalq Elm və Mühəndislik Sərgisində çıxış edəcək. O, “Sabahın alimləri” XII Respublika Müsabiqəsində biologiya fənni üzrə ölkənin ən güclüsü olmuşdu.
Dünyanın ən böyük STEM müsabiqəsi olan “Regeneron ISEF” 13-19 may 2023-cü il tarixlərində Texas ştatının Dallas şəhərində Kay Bailey Hutchison Konqres Mərkəzində keçiriləcək. Burada dünyanın 80 ölkəsindən 1800 nəfər yarışacaq.
