Bakı metrosunda partlayış olacağı ilə bağlı yalan məlumat verən şəxsə hökm oxunub. Bu haqda bu gün, 2 avqust tarixində Bakuplus.az Qafqazinfo-ya istinadən xəbər verir.
Sumqayıt Ağır Cinayətlər Məhkəməsində verilən qərara əsasən, 23 yaşlı Fərid Butayev 2 il müddətinə azadlıqdan məhrum edilib.
Fərid WhatsApp proqramı vasitəsilə yalan məlumatı əks etdirən səs yazısı yayıb. Belə ki, o, “İş elanları” qrupunun admini olub. Qrupun 400-dən çox üzvü olub və Fərid ötən ilin 3 mart tarixində qrupa Bakı metrosunda terror aktının – partlayışın törədiləcəyi barədə səs yazısı göndərib.
