Paytaxtın 4 rayonunda qaz təchizatında fasilə yaranacaq. Bu haqda bu gün, 24 iyun tarixində Bakuplus.az “Azəriqaz”a istinadən xəbər verir.
Bakının Sabunçu, Xətai, Nərimanov və Qaradağ rayonlarında yerləşən qaz xətlərində görüləcək təmir-quraşdırma işləri ilə əlaqədar saat 10:00-dan qazın verilişi kəsiləcək.
Məhdudiyyət Sabunçu rayonu üzrə Maştağa qəsəbəsinin Daş karxanası, Subtropik sovxoz ərazisi və "Maştağa-Gülçülük" yaşayış massivini, Xətai rayonu üzrə Cavanşir, Qədir Məmmədov, Ramiz Quliyev, Sadıqcan küçələrini, Nərimanov rayonu üzrə Ziya Bünyadov prospektini, Qaradağ rayonu üzrə isə Səngəçal, Əzimkənd, Umbakı qəsəbələrini və Yol evləri, Bağ evləri yaşayış massivlərini əhatə edir.
