Bakının bir sıra rayonlarında qazın verilişi dayandırılıb. Bu haqda bu gün, 13 iyun tarixində Bakuplus.az “Azəriqaz”a istinadən xəbər verir.
Qaz təchizatı sistemində görüləcək təmir işləri ilə əlaqədar Bakının Xəzər, Sabunçu, Binəqədi, Nəsimi və Yasamal rayonlarının bir hissəsinin qaz təchizatında müvəqqəti fasilə yaranacaq.
Məhdudiyyət Xəzər rayonu üzrə Şağan qəsəbəsini, Sabunçu rayonu üzrə Maştağa qəsəbəsinin Maştağa Albalılıq, Bilgəh Albalılıq yaşayış massivlərinin bir hissəsini, Şəfai, Xanlar, Zərdabi, Mehdi Hüseyn küçələrini, Binəqədi rayonu üzrə Süleyman Sani Axundov, İlham Hacıyev, Abay Kunanbayev, Aydınbəyov küçələrini, Nəsimi rayonu üzrə Asif Məhərrəmov küçəsini, Yasamal rayonu üzrə isə Zərdabi küçəsini əhatə edəcək.
