Bakının bir hissəsində su kəsiləcək.
İri Şəhərlərin Birləşmiş Su Təchizatı Xidmətinə istinadən xəbər verir ki, Nəsimi, Xətai, Səbail rayonlarını içməli su ilə təmin edən magistral xəttində təmir-bərpa işləri aparılacaq.
Bu səbəbdən Xətai rayonunun Neftçilər prospekti ərazisində, Yusif Səfərov küçəsinin bəzi yaşayış massivlərində, Səbail rayonunun Rəşid Behbudov, Bülbül, Puşkin, Zərifə Əliyeva, Üzeyir Hacıbəyov, Xaqani, Nizami küçələrinin bir hissəsində, Nəsimi rayonunun Şamil Əzizbəyov, Dilarə Əliyeva, 28 May, Rəşid Behbudov, Elman Ovçuyev, Puşkin, Mehdi Mehdizadə küçələrinin, Droqal döngəsi, Azadlıq prospektinin bir hissəsində suyun verilməsində fasilə yaranacaq.
Məhdudiyyət 30 avqust saat 00:00-dan etibarən 31 avqust saat 00:00-a qədər davam edəcək.
