Bakının Səbail rayonu, Parlament prospektində, “Alov qüllələri”nin yaxınlığında özü üçün “parkinq nöqtəsi” yaradan taksi sürücüləri quraşdırılmış yol nişanlarının tələblərini kobud şəkildə pozurlar. Bu haqda bu gün, 25 oktyabr tarixində Bakuplus.az məlumat verir.
Ərazidə “Dayanma-durma qadağandır”, “Piyada keçidi” nişanları və avtobus dayanacağına işarə edən yol cizgiləri mövcud olsa da, taksi sürücüləri orada avtomobilləri saxlayaraq müştəriləri gözləyirlər.
Nəticədə yolların kəsişməsində hərəkət edən nəqliyyat vasitələri üçün maneə olaraq, bu sürücülər həm də piyadalar və ictimai nəqliyyatın rahat hərəkəti üçün problem yaradırlar.
Redaksiyaya videogörüntüləri göndərən sakinlər aidiyyəti qurumlardan müvafiq tədbir görülməsini xahiş edirlər.
[video width="1080" height="1080" mp4="https://bakuplus.az/storage/photos/2023/10/bakuplus-logo-1x14-1.mp4"][/video]
