Bakının mərkəzində yerləşən 100 illik bina pis günə salınıb. Bu haqda bu gün, 3 avqust tarixində Bakuplus.az Baku TV-yə istinadən xəbər verir.
Üzeyir Hacıbəyov küçəsində yerləşən 111 illik binanın fasadına 67 ədəd kondisioner quraşdırılıb. Bu da tarixi binaya həm ciddi ziyan vurur, həm də xoşagəlməz xarici görkəm yaradır.
“Həmin binada dövlət qurumu işləyir və orada hər il təmir işləri aparılır. Olmazdımı təmir zamanı kondisionerlər barədə bir çıxış yolu tapardılar?” - deyə memar Elçin Əliyev bildirib.
Tarixi bina Mədəniyyət Nazirliyi tərəfindən qorunur və tarixi abidə hesab olunur. Ancaq dövlət qurumları məsələyə münasibət bildirməkdən imtina ediblər.
[caption id="attachment_108335" align="alignnone" width="640"]
Foto Baku TV[/caption]
