Paytaxtın Xətai rayonunun sakinləri sularının kəsilməsindən narazıdırlar.
Onlar qeyd ediblər ki, suları bir neçə həftədir kəsilib, hər dəfə boş vədlər verilsə də, suyun gəlişini bərpa etməyiblər.
Rayon sakini Xatirə Rzayeva bildirib ki, "Azərsu"ya bir neçə dəfə müraciət ediblər, hər dəfə də onlar bərpa etdiyini deyib, ancaq heç bir dəyişiklik baş verməyib.
Su və kanalizasiya şəbəkələrinin istismarı sahəsinin rəisi Eldar Bəşirov deyib ki, su xəttində tıxanma olduğuna görə sular kəsilib, günün sonuna kimi yenidən suyun verilməsi bərpa olunacaq.
İri Şəhərlərin Birləşmiş Su Təchizatı Xidmətinin Mətbuat Xidmətinin əməkdaşı Aydan Xəlilova isə görülən işlərə yekun vurulduğunu və su probleminin artıq gün ərzində ortadan qaldırılacağını bildirib.
Ətraflı Real TV-nin süjetində:
