Bakının Maştağa qəsəbə sakini Yusif Ələkbərov yüksək gərginlikli elektrik xətlərinin onun həyətyanı sahəsindən keçərək həyat üçün ciddi təhlükə törətməsindən narazıdır. Bu haqda bu gün, 31 iyul tarixində Bakuplus.az Oxu.az-a istinadən məlumat verir.
Onun sözlərinə görə, elektrik xətləri Nardaran qəsəbəsində yerləşən “Mayak” daş karxanasına qədər uzanır.
“Yüksək gərginlikli elektrik xətlərinin həyətyanı sahədən çıxarılmasını dəfələrlə daş karxanasının sahibindən xahiş etmişəm, "Azərişıq" ASC-yə və daş karxanası sahibinin oğluna bu barədə demişəm, amma nə sahibkar, nə də "Azərişıq" ASC əhəmiyyət verməyib”, - Ələkbərov öz narazılığını bildirib.
“Azərişıq” ASC-nin Mətbuat Xidmətindən verilən məlumata görə, Ələkbərovun şikayətinə yerindəcə baxılıb.
“Vətəndaş dirəyin yerinin dəyişdirilməsini istəyir. Bunun üçün isə o, Asan Kommunala müraciət etməlidir”, - məlumatda deyilir.
