Bakı-Sumqayıt şosesinin Abşeron Gənclər Şəhərciyi yaxınlığındakı hissəsində yol çöküb. Bu haqda bu gün, 26 iyul tarixində Bakuplus.az BakuPost-a istinadən məlumat verir.
Verilən məlumata görə, çöküntü bir aydan çoxdur mövcuddur və getdikcə genişlənir.
Sürücülərin sözlərinə görə, oranı kubik daşlarla doldurub, ətrafına maşın şini qoyublar ki, yoldan keçən avtomobillər ora düşməsin. Lakin aidiyyəti qurumlar problemi həll etmir.
“Xüsusən də axşam saatlarında oradan keçmək daha təhlükəlidir. Hər an ağır qəza baş verə bilər. Çünki qaranlıq vaxtı yolun çökən hissəsini hər sürücü görə bilmir”, - sürücülər əlavə ediblər.
