Bakı–Sumqayıt yolunda yerləşən istehsalat sahəsində nöqsanlar aşkarlanıb

Bakı–Sumqayıt yolunda istehsalat sahəsində yoxlama aparılıb. Bu haqda bu gün, 6 iyun tarixində Bakuplus.az APA-ya istinadən xəbər verir.

Bakı–Sumqayıt şosesinin 13-cü kilometrində yerləşən “Bolluq LTD” MMC-yə məxsus istehsalat sahəsində yoxlama zamanı yanğın təhlükəsizliyi sahəsində çoxsaylı nöqsanlar aşkar olunub.

Belə ki:

• Obyektin mətbəx sahəsində çəkilmiş qaz xəttində yivli birləşmələrdən istifadə olunub;


• Anbar sahələrində rəflərin ara məsafələri yanğınların söndürülməsinə və ya malların hadisə zamanı köçürülməsinə maneə törədəcək əşyalarla tutulub;


• Obyektin bəzi sahələri yanğınxəbərverici siqnalizasiya qurğusu və ilkin yanğınsöndürmə vasitələri ilə təmin olunmayıb;


• Anbar tikililərinin birindən həm anbar, həm də istehsal sahəsi kimi istifadə olunub;


• Obyektin anbar sahəsində tezalışan materiallardan ibarət otaq quraşdırılıb;


• İstehsalat sahəsində quraşdırılmış taxta konstruksiyalar odadavamlı məhlulla hopdurulmayıb;


• Anbar və istehsalat sahələrinin bəzi çıxış qapılarının qarşısı əşyalarla tutulub;


• Obyektin ərazisində elektrik transformatorunun ətrafı tezalışan yanar materiallardan təmizlənməyib;


• Elektrik təsərrüfatı “Elektrik Qurğularının Quraşdırılması Qaydası”nın tələblərinə uyğun quraşdırılmayıb;


• Obyektin istehsalat və anbar sahələrində daxili yanğın su kranları tam quraşdırılmayıb.

Qaydaların kobus pozulması ilə əlaqədar obyektin fəaliyyəti dayandırılıb, sahibkar məsuliyyətə cəlb olunub.