Paytaxtın Sabunçu rayonu, Bakıxanov qəsəbəsi, Deputat, 3 ünvanında köhnə tüstü borusu sakinlərin həyatını təhlükəyə atır. Bu haqda bu gün, 19 dekabr tarixində Bakuplus.az ATV-yə istinadən xəbər verir.
İstismar müddəti başa çatmış qazanxanaya aid olan 50-60 m-lik tüstü borusunun fəaliyyəti dayansa da, yerləşdiyi ərazidən götürülmür. Baxımsız vəziyyətdə olan boru hər an aşa bilər. Bərk külək əsən kimi sakinlər qorxuya düşürlər.
“Mənim evimlə borunun arasında 10-15 metr məsafə var. Güclü külək olan kimi elə əsir ki, elə bilirik indi aşacaq üstümüzə”, - deyə sakinlərdən biri deyib.
“Azərisitiliktəchizat” ASC-dən məsələ ilə bağlı bildiriblər ki, qərar qəbul edilərsə, bir addım atılacaq. Hələ ki məsələ ilə bağlı bir qərar yoxdur.
