Bakının Sabunçu rayonu, Bakıxanov qəsəbəsində köhnə tüstü borusu sakinlərin həyatlarına təhlükə yaradır. Bu haqda bu gün, 5 avqust tarixində Bakuplus.az Xəzər Xəbər-ə istinadən xəbər verir.
Deputat küçəsi, 19-21 ünvanlarında yaşayan sakinlər bildirirlər ki, istismar müddəti bitən qazanxananın tüstü borusu yararsız vəziyyətdədir və hər an aşa bilər.
“Güclü külək olan kimi elə əsir ki, elə bilirik, indi aşacaq üstümüzə. Bizə deyiblər ki, borunu saxlayan kanatlar dəyişib, lakin biz bunun şahidləri olmamışıq. Boruya ehtiyac da yoxdur”, – deyə sakinlər şikayət edirlər.
Qazanxanaya nəzarət edən şəxslər isə deyiblər ki, təhlükəli vəziyyət yoxdur, sözügedən boru nəzarətdədir.
“Azəristiliktəchizat” ASC-nin rəsmisi Elvin Basqallıdan verilən məlumata görə, borunun sökülməsi planlaşdırılmır.
“Sakinlər Fövqəladə Hallar Nazirliyinə müraciət edəndən sonra baxış keçirilib və qurumnan bildirilib ki, o, təhlükə saçmır”, – deyə E.Basqallı qeyd edib.
Həmçinin qurumdan bildirilib ki, qazanxana ilə birlikdə tüstü borusunun da 2028-ci ildə yenidən istifadəyə verilməsi planlaşdırılır.
Ətraflı süjetdə:
