Bakının mərkəzində baş verən yanğın söndürülüb.
Bu barədə məlumat Bakuplus.az-ın sorğusuna cavab olaraq Fövqəladə Hallar Nazirliyinin (FHN) Mətbuat Xidmətindən verilib.
“Fövqəladə Hallar Nazirliyinin 112 qaynar telefon xəttinə Bakı şəhəri, Nəsimi rayonu, Ağadadaş Qurbanov küçəsində yanğın baş verməsi barədə məlumat daxil olub.
Dərhal əraziyə Fövqəladə Hallar Nazirliyinin Dövlət Yanğından Mühafizə Xidməti və Bakı Regional Mərkəzinin Qüvvələri cəlb olunub. Yanğınsöndürənlərin çevik müdaxiləsi sayəsində köməkçi tikilidə baş vermiş yanğın qısa müddətdə söndürülüb”, - məlumatda bildirilib.
Nəzrin Vahid
***
15:29
Bakının mərkəzində yanğın zamanı meydana gələn tüstü qatı müşahidə edilib.
Bakuplus.az xəbər verir ki, ilkin ehtimallara görə, hadisə paytaxtın “Kubinka” adlanan ərazisində baş verib.
Hadisə yerinə Fövqəladə Halların ərazi üzrə yanğından mühafizə xidməti cəlb edilib.
