Səbail rayonu, akademik Əhəd Yaqubov, 15 ünvanında yerləşən "Baku City Karting"də ölüm hadisəsi baş verib.
Bakupost.az xəbər verir ki, hadisə zamanı Bakı şəhər sakinləri - 2009-cu il təvəllüdlü Fatimə Bəhlulzadənin idarə etdiyi avtomobillə 2008-ci il təvəllüdlü Kamal Səfərlinin idarə etdiyi avtomobil toqquşub. Nəticədə Kamal Səfərli aldığı ağır kəllə-beyin travmasından hadisə yerində ölüb.
İlkin ehtimala görə, hadisə avtomobillərdən birində yaranmış qəfil nasazlıq səbəbindən baş verib.
Faktla bağlı cinayət işi açılıb. Səbail Rayon Prokurorluğunda araşdırma aparılır.
