Bakıda keçiriləcək ənənəvi caz festivalı oktyabrın 6-dan 15-nə kimi davam edəcək. Bu haqda bu gün, 21 sentyabr tarixində Bakuplus.az məlumat verir.
Caz festivalı çərçivəsində Bakı Dənizkənarı bulvarında 6, 7 və 8 oktyabrda Norveç, Almaniya, Türkiyə, Avstriyanın peşəkar ifaçıları çıxış edəcəklər. 3 gün ərzində yarmarkaya gələn qonaqlar dadlı təamlar, 360 dərəcə fotoşəkillər, incəsənət və DJ GRAF-ın musiqisi sədaları altında rəqs edə biləcəklər. Oktyabrın 7-də orada məşhur fank qrupu “Jazzanova” amerikalı DJ Amir ilə birlikdə çıxış edəcək.
Oktyabrın 9-dan 15-dək 15 ölkədən musiqiçilər, o cümlədən Qremmi mükafatı laureatları və nominantları – amerikalı caz və rep ifaçısı Teo Kroker, caz arfa ifaçısı Edmar Kastaneda və Qreqori Maret öz xüsusi proqramları ilə çıxış edəcəklər.
Oktyabrın 14-də Heydər Əliyev Mərkəzində braziliyalı vokalçı Mario Bakunun konserti olacaq.
Tam proqram festivalın saytında tapmaq mümkündür.
Bu il Bakı Caz Festivalı on səkkizinci dəfədir keçirilir. Festivalın əsası 2005-ci ildə görkəmli caz musiqiçisi, Azərbaycanın Əməkdar Artisti Rain Sultanov tərəfindən qoyulub.
