Bakının Sabunçu rayonunun Balaxanı qəsəbəsində “Azərsu” ASC tərəfindən sudan sayğacsız istifadə halları aşkar edilib. Bu haqda bu gün, 25 iyul tarixində qurumunun mətbuat xidməti məlumat verib.
Yoxlama zamanı qəsəbənin Sadıqcan küçəsindəki şirniyyat mağazası, avtoyuma məntəqəsi və marketdə su qeyri-qanuni xətlərdən istifadə olunub.
Qəsəbənin Səməd Məsud küçəsində yerləşən restoranın sahibi isə texniki şərt olmadan, müqavilə bağlamadan şəbəkəyə qeyri-qanuni qoşulmaqla sudan qanunsuz istifadə edib.
Araşdırmalar zamanı Balaxanı qəsəbəsi, Həsən Əliyev küçəsində maklerlər tərəfindən tikilən 5 fərdi yaşayış evində də sudan uçotsuz istifadə olunduğu üzə çıxıb.
Qeydə alınan faktlar araşdırılması üçün hüquq-mühafizə orqanlarına təqdim olunub.
