Bakının Sabunçu rayonu, Balaxanı qəsəbəsində 17 ailənin yaşadığı ikimərtəbəli bina qəzalı vəziyyətdədir. Evdəki bəzi mənzillərin tavanı da yoxdur. Belə vəziyyətdə sakinlərin bir hissəsi kirayə evlərə köçüb. Bu haqda bu gün, 19 noyabr tarixində Bakuplus.az Xəzər Xəbər-ə istinadən məlumat verir.
28 May küçəsindəki 6 saylı evdə yaşayan sakinlərin sözlərinə görə, 115 il əvvəl tikilmiş bu evdə vəziyyətlə bağlı dəfələrlə aidiyyəti qurumlara müraciət etsələr də, nəticəsi olmayıb.
Sabunçu rayon İcra Hakimiyyətindən verilən məlumata görə, 1898-ci ildə tikilmiş binadan uşaq bağçası kimi istifadə olunub. Lakin 1997-ci ildə bağça fəaliyyətini dayandırıb və həmin ildən 17 ailə heç bir hüquqi sənədi və pasport qeydiyyatı olmadan burada məskunlaşıb. Binanın qəzalı vəziyyətdə olması barədə Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin müvafiq aktı yoxdur. Buna baxmayaraq, binanın hazırkı vəziyyəti ilə bağlı Bakı Şəhər İcra Hakimiyyətinə məlumat verilib.
[caption id="attachment_79791" align="alignnone" width="640"]
Foto Xəzər Xəbərin rəsmi Youtube kanalı[/caption]
