Paytaxtda Beynəlxalq Muzeylər Günündə “XVIII-XIX əsrlər Azərbaycan incəsənəti” barəsində tədbir baş tutacaq. Bu haqda bu gün, 16 may tarixində Bakuplus.az muzeyin mətbuat xidmətinə istinadən xəbər verir.
Azərbaycan Milli İncəsənət Muzeyində keçirilən “Uşaqlar üçün incəsənət tarixi” layihəsi çərçivəsində tədbir bu dəfə Azərbaycanın incəsənətinə həsr olunacaq. Tədbirdə Azərbaycan memarlığının inkişafı, muzey binalarının tarixi, həmçinin rəngkarlıq, qrafika, dekorativ-tətbiqi sənət və geyim mədəniyyəti haqqında təqdimat olacaq.
Həmçinin interaktiv ekskursiya çərçivəsində balacalar muzeyin daimi ekspozisiyasında nümayiş etdirilən XVIII-XIX əsrlər Azərbaycan incəsənətinə aid eksponatlarla tanış olacaqlar. Eləcə də ustad dərsi zamanı onlar şəbəkə üsulunun imitasiyasını kağız üzərində boyalar vasitəsilə rəngləyəcəklər.
Proqrama qoşulmaq üçün (012) 492-0707 nömrəsi vasitəsilə qeydiyyatdan keçmək lazımdır. Layihəyə daxil olan proqramlar şənbə günü Azərbaycan dilində, bazar günü isə rus dilində aparılır.
