İyulun 14-də Bilgəhdə batan 17 yaşlı Məhəmməd Nəsirovun meyiti tapılaraq sudan çıxarılıb. Bu haqda bu gün, 16 iyul tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Cəsəd dalğıc-xilasedicilər tərəfindən aşkar olunaraq aidiyyəti üzrə təhvil verilib.
11:21 - Bilgəhdə batan uşağın qardaşı faciə haqda hərbi xidmətdən qayıtdığı gün öyrənib – VİDEO
İyulun 14-də Bilgəhdə batan 17 yaşlı Məhəmməd Nəsirovun axtarışları davam edir. Axtarış işlərinə Fövqəladə Hallar Nazirliyi Aviasiya dəstəsinin helikopteri də cəlb olunub. Uşağın ailəsi də axarışlarda fasiləsiz iştirak edir. Bu haqda bu gün, 16 iyul tarixində Bakuplus.az Xəzər Xəbər-ə istinadən məlumat verir.
Hərbi xidmətini başa vuran Məhəmmədin böyük qardaşı olanlardan xəbərsiz olaraq hadisə yerinə gəlib. Uzun aylardan sonra evə qayıdan gənc avtomobildən düşərkən faciə haqda xəbər tutub.
Şahidlərin sözlərinə görə, hadisə zamanı dənizdə çimən 3 yeniyetmə batma təhküləsi ilə üzləşib. Ətrafda olan vətəndaşlar onlardan ikisini sahilə çıxara bilsələr də, Məhəmmədi tutmaq istəyəndə uşağın əli sürüşüb və dalğa onu dərinliyə aparıb.
Çimərlikdə istirahət edənlər həmin gün hava şəraitinin dənizdə çimmək üçün əlverişsiz olduğunu da qeyd ediblər.
