Bakının Sabunçu rayonunun Bilgəh qəsəbəsində yerləşən kardioloji sanatoriyanın rəhbərliyi dənizə gedən yolda iki yerdə şlaqbaumlar quraşdıraraq insanların istirahət hüququnu pozur. Bu barədə sosial şəbəkələrdə yayılan videoda deyilir.
Videonu yayan vətəndaşın sözlərinə görə, sanatoriyanın həyətində insanların dənizə çıxmasına mane olan iki şlaqbaum var.
"Burada iki şlaqbaum qoyublar və insanların çimərliyə getməsinə maneə törədirlər. Şlaqbaumların hər birində bir qiymət qoyublar, 5 manat ödəməlisən ki, dəniz tərəfə keçəsən. Camaatın haqqına girirlər. İlk qapıda 2 manat vermişik, burada da pul istəyirlər", - qadın şikayət edib.
[video width="576" height="1024" mp4="https://bakuplus.az/storage/photos/2024/06/bilgeh1.mp4"][/video]
