Bu gün, 29 iyun tarixində Xəzər dənizinin Bilgəh sahilində genişmiqyaslı təmizlik aksiyası keçirilib. Bu haqda Bakuplus.az Ekologiya və Təbii Sərvətlər Nazirliyinə istinadən məlumat verir.
Ekologiya və Təbii Sərvətlər Nazirliyinin təşkilatçılığı ilə keçirilmiş aksiyada nazirliyin rəsmiləri və əməkdaşları, Sabunçu rayon İcra Hakimiyyəti, “Təmiz Şəhər” ASC, “Facility Management Group” şirkəti, “Qırmızı ürəklər” Fondu, “Nargis” jurnalı, “Coca Cola” şirkəti və “EcoHub” ekoloji platformasının nümayəndələri, eləcə də ekokönüllülər iştirak ediblər. Tədbir zamanı sahil zolağı 1200 kiloqram plastik və digər tullantılardan təmizlənib.
“Təmiz ölkəm” təmizlik aksiyalarının keçirilməsində məqsəd təbiət ərazilərinin daimi təmizliyini təmin və təşviq etmək, məişət tullantılarının atılmasının qarşısını almaq və ictimaiyyəti ətraf mühitin mühafizəsi sahəsində mübarizəyə cəlb etməkdir.
Bu cür aksiyaların mövsüm boyu hər həftəsonu keçirilməsi nəzərdə tutulub.
[caption id="attachment_142313" align="alignnone" width="640"]
Foto ETSN-in rəsmi saytı[/caption]
