Xəzər rayonu, Binə qəsəbəsində yerləşən meşəlik ərazi tez-tez yanğına məruz qalır. Bu haqda bu gün, 28 dekabr tarixində Bakuplus.az ATV-yə istinadən xəbər verir.
Sözügedən ərazidə bir sıra ağacların qarsalandığı, hətta ocaq izləri müşahidə edilir. 55 hektara yaxın meşəlik sahədə tez-tez yanğın baş verir. Bu da təbiətə ciddi ziyan vurur.
Burada yaşıllıqlara qulluq göstərən Yaşıllaşdırma Təsərrüfatı Birliyi əməkdaşlarının sözlərinə görə, yanğınlara səbəb narkomanlardır.
“Narkomanlar gəlirlər, otururlar, nə edirlərsə, bir də baxırıq ki, yanır. Yanğınsöndürənlər gəlir, söndürürlər. Biz də yanmış ərazini təmizləyirik ki, yerinə yaşıl ağaclar əkək”, – deyə onlar qeyd ediblər.
Ərazi Bakı şəhər Yaşıllaşdırma Təsərrüfatı Birliyinin balansındadır. Qurumdan məsələ ilə bağlı bildirilib ki, yandırılan ağacların əvəzinə yeniləri əkilir, həmçinin faktla bağlı hüquq-mühafizə orqanlarına müraciət olunub.
