Binə qəsəbəsində su kanalındakı vəziyyət sakinləri narahat edir. Bu haqda 9 fevral tarixində Xəzərxəbər məlumat verib.
Sakinlərin sözlərinə görə, su kanalı o qədər zibillənib ki, onu təyinatı üzrə istifadə etmək olmur, yəni buradakı suları nə heyvanlar üçün, nə də təsərrüfatda işlətmək mümkündür. Hər gün artan zibil qalıqlarının arasından ara-sıra heyvan cəsədləri də tapılır.
Faktla bağlı Xəzər Rayon İcra Hakimiyyətinin Binə qəsəbəsi üzrə nümayəndəliyindən bildirilib ki, problemin yaranmasında ilk növbədə elə sakinlər özləri günahkardırlar. Çünki onlar zibilləri həmin su kanalına atırlar. O ki qaldı ərazilərin zibil qutuları ilə təmin edilməsinə, oraya qoyulmuş qablar qısa müddət sonra məhv edilir və nəticədə belə vəziyyət yaranır.
