Bakının Xəzər rayonu, Binə qəsəbəsində yol qəzasına görə əhalinin bir hissəsinin qaz təchizatında fasilə yaranıb. Bu haqda bu gün, 2 fevral tarixində Bakuplus.az Report-a istinadən xəbər verir.
Ötən gün gecə saatlarında “Atçılıq” yaşayış massivində xarici dövlət qeydiyyat nişanlı yük maşını qaz xəttinə çarpılıb. Qəza nəticəsində müxtəlif diametrli 150 metr uzunluğunda orta və aşağıtəzyiqli qaz xətləri yararsız hala düşüb.
Təhlükəsizlik səbəbi ilə əraziyə təbii qazın verilişi dayandırılıb və bu səbəbdən 3000 abonentin qaz təchizatında fasilə yaranıb.
Ərazidə qəzanın nəticələrinin aradan qaldırılması istiqamətində işlərə başlanılıb və günün sonunadək yekunlaşdırılması nəzərdə tutulub.
