Xəzər rayonu, Binə qəsəbəsində yolları su basıb. Bu haqda bu gün, 21 fevral tarixində Bakuplus.az İctimai TV-yə istinadən xəbər verir.
Qəsəbənin “Bakavtomat” adlanan ərazisində sakinlər suyun içində yaşamağa məcbur olurlar. Bildirilir ki, əvvəllər bura göl olub. Daha sonra qurudularaq yaşayış evləri tikilməyə başlanıb.
“İllərdir belədir. 3 dənə motor işləyir, yenə xeyri yoxdur”, – deyə sakinlər şikayət edirlər.
Bəzi sakinlər evlərin tikintisini yarımçıq qoyub gediblər. Sakinlər bələdiyyədən torpaq aldıqlarını, ancaq sonra peşman olduqlarını vurğulayıblar.
Xəzər rayon İcra Hakimiyyətindən məsələ ilə bağlı bildirilib ki, sakinlər kənd sovetinə müraciət etsinlər. Halbuki belə bir qurum illərdir ki, fəaliyyət göstərmir.
