Binə – Qala yolunun hər 2 tərəfi bərbad haldadır. Bu haqda bu gün, 15 aprel tarixində Bakuplus.az ATV-yə istinadən xəbər verir.
Belə ki, magistral yolun hər 2 tərəfində böyük ərazi sellofanlarla doludur. Bu da həm ekologiyaya ziyan vurur, həm də antisanitariya vəziyyəti yaradır. Sakinlərin sözlərinə görə, küləkli havada bütün tullantılar onların evlərinə dolur.
“Nə qədər təmizləyirik, qurtarmır, tullantılar hamısı həyətin içindədir”, – deyə sakinlər şikayət edirlər.
Məişət tullantılarının idarəolunması üzrə ekspert Etibar Qəhrəmanov deyir ki, ekologiyanı təmiz saxlamaq üçün əraziyə konteynerlərin yerləşdirilməsi vacibdir.
Xəzər RİH-dən bildirildi ki, qeyd edilən ünvanda torpaqların idarəçiliyi Abşeron RİH-yə aiddir. Sonuncu isə ərazinin onların balansında olmadığını qeyd edib.
