Bakıdakı “Qadın və Uşaq Sığınacağı”na iki ay əvvəl yerləşdirilən iki uşaq anası övladlarından imtina edib. Bu haqda bu gün, 3 iyul tarixində Bakuplus.az sığınacağın rəhbəri Mehriban Zeynalovaya istinadən məlumat verir.
Ana əvvəllər də uşaqlarını sığınacağa qoyub getmək istəyirdi. Lakin aparılmış söhbətdən sonra ana da sığınacaqda saxlanılıb.
Buna baxmayaraq, ana imtina ərizəsi yazıb. Qadının psixoloji problemlər yaşadığı, Respublika Psixiatriya Xəstəxanasında qeydiyyatda olduğu deyilir.
“Bizə deyir ki, bir az tez olun, qarpız sezonu başlayıb, gedirəm qarpız yeməyə. Uşaqların atalarının harada olması ilə bağlı məlumat yoxdur. Ailə sevgisindən məhrum qalan daha 2 körpə”, – deyə Zeynalova yazıb.
Daha öncə məlum olub ki, Bakıda 4 uşaq anası övladlarını parkda qoyaraq sevgilisi ilə qaçıb.
