Sabunçu rayonunun Pirşağı qəsəbəsində sakinlər su xəttindəki problemlərə görə şikayətçidirlər.
Sözügedən ərazidə 4 aya yaxındır su borusunda qəza baş verib.
Sakinlərin sözlərinə görə, dəfələrlə şikayət olunsa da, tədbir görülməyib.
“Su evlərin altına gedir. Yollar belə suyun altındadır. Müraciət etsəm də, dedilər bizə sorğu göndərilməlidir”, - deyə sakinlərdən biri bildirib.
Məsələ ilə bağlı İTV əməkdaşları İri Şəhərlərin Birləşmiş Su Təchizatı Xidmətin müraciət edib. Qurumdan bildirilib ki, məsələdən xəbərdardırlar və su xəttində baş vermiş qəzanın aradan qaldırılması ilə bağlı müvafiq tapşırıqlar verilib:
“Qəzanın tezliklə aradan qaldırılması təmin olunacaq”.
Ancaq maraqlısı odur ki, qəsəbənin digər hissəsində isə sakinlər susuzluqdan narazıdırlar.
Ətraflı videosüjetdə:
