Bakıda səkilərin zəbt edilməsi ən böyük problemlərdən biridir.
Bakuplus.az xəbər verir ki, bununla bağlı ən çox şikayət olunan yerlərdən biri Tbilisi prospekti ilə Həsən Əliyev küçəsinin kəsişməsidir.
Belə ki, sosial şəbəkələrdə sözügedən ərazilərdən fotolar yayılıb. Görüntülərdən də görünür ki, səkilər avtomobillərlə zəbt olunub.
İzləyicilərdən birinin sözlərinə görə, COP29-dan əvvəl bütün küçə boyunca dibçəklər düzülmüşdü.
“Bir müddət maşın saxlanılmadı, səliqəli görüntü var idi. Sonra dibçəkləri kənara çəkib maşınları yenə səkidə saxlamağa başladılar. Təəssüf ki, bu küçənin problemi həll olunmur”, - deyə sakinlərdən biri qeyd edib.
