Bu gün manatın - müstəqil Azərbaycanın pul vahidinin ilk eskizlərinin müəllifi, xalçaçı-rəssam Eldar Mikayılzadənin doğum günüdür. O, 18 yanvar 1956-cı ildə Əmircanda dünyaya göz açıb.
E. Mikayılzadə 1984-cü ildən xalçaçı-rəssam kimi peşəkar fəaliyyətə başlayıb. Rəssam "Səttar dünyası", "Şəbi-hicran-1", "İthaf" (bu xalçası iki böyük sənətkara – Səttar Bəhlulzadəyə və Lətif Kərimova həsr edilibr), "Azərbaycan nağılları", "114. Bismillah", "Nağıllar aləmi", "Azərbaycanın poeziya və musiqi korifeyləri", "Xətai", "Xəmsə", "İslam", "Təbriz, "Bürclər”, "Xilaskar", "Üç din", "Səttar", "Bismillahir-rəhmanir-rəhim", "Üç peyğəmbər", "Şəbi-hicran-2", "Yaranış", "Səttarın arzusu", "Kəhkəşan" və s. xalçaların müəllifidir.
Rəssamın əsərləri Rusiya, Böyük Britaniya, Fransa, Türkiyə, Səudiyyə Ərəbistan və Küveytdəki şəxsi kolleksiyalarda saxlanılır.
Qeyd edək ki, üzərində Nizami Gəncəvi və Məhəmməd Əmin Rəsulzadənin rəsmləri təsvir olunmuş 500 və 1000 manatlıq əsginasların ilk dizaynı məhz ona məxsusdur.
Bakuplus.az Eldar Mikayılzadəni təbrik edir və ona yaradıcılıq uğurları arzulayır.
