Bu günə kimi paytaxt məktəblərinin birinci sinfinə 37.871 uşaq üçün elektron sorğu yerləşdirilib. Bu haqda bu gün, 8 iyul tarixində Bakuplus.az BizimMedia-ya istinadən məlumat verir.
Qeydiyyat prosesi ilə bağlı valideynlər tərəfindən ünvanlanan 6068 müraciət operativ şəkildə cavablandırılıb.
Birinci siniflərə elektron qeydiyyat sentyabrın 13-nə qədər davam edəcək. Elektron sistem vasitəsilə müraciət yerləşdirə bilməyən valideynlər ən yaxın alternativ qeydiyyat mərkəzinə, eləcə də 5, 6 və 7 saylı “ASAN xidmət” mərkəzlərinin təhsil xidmətləri bölmələrinə müraciət edə bilərlər. Alternativ qeydiyyat mərkəzləri həftənin I-V günləri saat 10:00-dan 17:00-a qədər xidmət göstərir.
Valideynin alternativ qeydiyyat mərkəzlərinə müraciət edərkən övladını özü ilə aparmasına ehtiyac yoxdur.
Sistemdə elektron qeydiyyatdan keçə bilməyən valideynlərə WhatsApp vasitəsilə (+994 70 996 76 63, +994 70 996 36 62, +994 70 996 46 68) müraciətlərinin cavablandırılması üçün müvafiq işçi qrupları tərəfindən də zəruri kömək göstərilir.
