Dövlət İmtahan Mərkəzinin 2024/2025-ci tədris ili üçün qəbul nəticələrinə əsasən, 55,656 nəfər ali təhsil müəssisələrinə qəbul olunub.
Bizim.Media-nın məlumatına görə, bu il Azərbaycanda ən yaşlı tələbə Sevinc Əliyeva (54 yaş), ən gənc tələbə isə 16 yaşlı Elvin Hüseynov olub.
Sevinc Əliyeva bildirib ki, 1970-ci il 16 iyul tarixində anadan olub. O, bu il Sumqayıt Dövlət Universitetinin Neft-qaz mühəndisliyi ixtisasına qəbul olunub. Lakin universitetdə qiyabi təhsil forması olmadığı üçün təhsildən imtina edəcək.
Elvin Hüseynov 26 noyabr 2008-ci il tarixində doğulub. O, Heydər Əliyev adına Müasir Təhsil Kompleksini bitirib və Azərbaycan Texniki Universitetinin Maşın mühəndisliyi ixtisasına qəbul olunub. 16 yaşında universitetə qəbul olmasının səbəbləri məktəbə tez başlaması və sinif atlamasıdır.
