Xəzər rayonunda içməli suyun olmaması sakinləri narahat edir. Bu haqda 8 aprel tarixində Spacetv məlumat verib.
Buzovna qəsəbəsi, Hərbi zavod adlanan ərazinin yaxınlığında yaşayan sakinlər içməli suya olan tələbatlarını qıraq ərazilərdən daşımaqla təmin edirlər. Onlar deyirlər ki, artıq uzaq məsafələrdən su daşımaqdan beziblər. Sakinlər dəfələrlə aidiyyəti orqanlara müraciət etsələr də, problem həll olunmur.
“Həmin ərazidə mərkəzləşmiş içməli su şəbəkəsi yoxdur. Oradan bizə dəfələrlə müraciət olunub. Və bu, dövlət investisiya hesabına mərhələlərlə icra olunan layihələrdir. 2022-ci ildə Bakı şəhəri və 11 ətraf qəsəbədə biz işlərin görülməsini planlaşdırırıq. Həmin ərazi də baş planda nəzərdə tutulub və növbəti mərhələdə həyata keçiriləcək”, - Azərsu ASC-nin əməkdaşı Anar Cəbrayıllı bildirib.
