Paytaxtın Xəzər rayonu, Buzovna qəsəbəsində yağıntılı havadan sonra yollarda sel əmələ gəlib. Bu haqda 5 mart tarixində Bakuplus.az-a məlumat daxil olub.
Əsas problem H.Eyvazov və A.Sultanova küçələrinin kəsişməsində yaranıb. Orada yollarda drenaj sisteminin və kanalizasiyanın olmaması gölməçələrin yaranmasına səbəb olub. Bu hal piyadaların hərəkəti üçün maneə yaradır. Onlar daşlardan düzülmüş cığırdan istifadə edərək, yolu keçirlər.
Sakinlərin sözlərinə görə, sürücülər nəqliyyat vasitələrinin sürətini tamamilə azaldaraq hərəkət etməli olurlar. Səbəb avtomobillərin batması və palçığın altında olan çökəkliklərin görünməməsidir.
“Yağış yağanda yolun vəziyyəti bərbad olur. Buradan heç maşınla rahat hərəkət etmək olmur, qaldı piyada”, - qəsəbə sakinlərindən biri bildirib.
