Buzovna sakinləri dənizkənarı ərazilərin təmizlənməsinə görə öz təşəkkürlərini bildiriblər. Bu haqda bu gün, 20 iyul tarixində Bakuplus.az Qafqazinfo-ya istinadən xəbər verir.
Qanunsuz hasarların sökülməsi və ərazidə abadlıq işlərinin aparılması sakinləri xoşbəxt edib. Onlar Prezident İlham Əliyevə təşəkkür videosu da hazırlayıblar.
“Buzovna qəsəbəsində mövcud olan, min bir nəsil yola salmış unikal qayalıqlar 20 ildə ayrı-ayrı fərdlərin amansız işğalına məruz qaldı. Biz onların azadlığı üçün, onların əzəli vəziyyətində qorunub saxlanılması və gələcək nəsillərə ötürülməsi üçün dövlətimizə və cənab Prezidentimizə müraciət etdik. Buzovna qayalıqlarının azadlıq prosesinin başlanması üçün biz, Buzovna qəsəbə sakinləri cənab Prezidentə təşəkkür edirik”, - deyə sakinlər videoda bildiriblər.
