Xəzər rayonu, Buzovna qəsəbəsində yerləşən sanatoriya baxımsız vəziyyətdədir. Bu haqda bu gün, 14 may tarixində Bakuplus.az ARB-yə istinadən xəbər verir.
110 yaşlı sanatoriya professor Yevsey Gindesin vərəm xəstəliyindən vəfat edən oğlunun xatirəsinə inşa etdirib. Burada 3 yaşdan 14 yaşa kimi uşaqlar müalicə olunublar. 3 mərtəbədən ibarət olan sanatoriyanın tavanı çöküb, otaqların qapıları sınıq və salxaq vəziyyətdədir. Yerlər şüşə qırıntlıları ilə doludur və burada köhnə əşyalar görmək olar.
Bildirilir ki, sanatoriya 2020-ci ilə qədər Səhiyyə Nazirliyinin balansında olub, daha sonra isə Əmlak Məsələləri üzrə Dövlət Xidmətinin nəzarətinə keçib. Sözügedən qurum isə tikilinin aqibəti barədə cavab verməyib.
