Xəzər rayonu, Buzovna qəsəbəsində bir neçə gündür içməli su kəsilib. Bu haqda bu gün, 30 oktyabr tarixində Bakuplus.az xəbər verir.
Qəsəbə sakinlərinin sözlərinə görə, artıq 4-cü gündür ki, içməli suya həsrət qalıblar. Yerlilər vəziyyətdən narazı olduqlarını, gündəlik işlərində çətinliklərlə üzləşdiklərini vurğulayıblar. “Azərsu”dan isə məsələ ilə bağlı araşdırma aparılacağı qeyd olunub.
Sakinlər əlavə ediblər ki, sözügedən problem birinci dəfə deyil yaşanır. Daha öncə də günlərlə suyun verilişində fasilələr yaranıb.
