Yasamal rayon icra başçısı sakinləri qəbul edib. Bu haqda BakuPlus.az RİH-nin mətbuat xidmətinə istinadən bu gün, 9 dekabr tarixində xəbər verir.
Səbail rayonundakı Fizika, riyaziyyat və informatika təmayüllü Respublika liseyinin akt zalında Yasamal Rayon İcra Hakimiyyətinin başçısı Elşad Həsənov yerli sakinlərlə görüşdə onların problem və qayğıları ilə maraqlanıb.
Görüşdə Yasamal rayonunun sakinləri, rayon icra hakimiyyətinin əməkdaşları, Yasamal bələdiyyəsinin və xidmət sahələrinin nümayəndələri iştirak ediblər. Yasamal Rayon İcra Hakimiyyətinin başçısı Elşad Həsənov sakinləri qarşılaşdıqları problemlər barədə ətraflı danışmağa çağırıb.
Söz alan vətəndaşlar kommunal xidmət sayğaclarının quraşdırılması, qurumuş agacların budanması, mənzil-məişət şəraitinin yaxşılaşdırılması, təbii qaz limiti, kanalizasiya qapaqları problemi, yerüstü piyada keçidi və bir sıra sosial məsələlərlə bağlı öz təklif, şikayət və fikirlərini bildiriblər.
Yasamal Rayon İcra Hakimiyyətinin başçısı Elşad Həsənov sakinlərin suallarına ətraflı cavablar verdikdən sonra bir sıra məsələlər icra başçısının göstərişi ilə yerindəcə öz həllini tapıb.
Millət vəkili Erkin Qədirli isə təbii qaz limiti ilə bağlı sakinlərin suallarına aydınlıq gətirib. Qəbulda sakinləri narahat edən problemlər dinlənilib, səsləndirdikləri məsələlər araşdırılması üçün Yasamal Rayon İcra Hakimiyyətinin başçısı tərəfindən məsul şəxslərə müvafiq tapşırıqlar verilib.
[caption id="attachment_82504" align="alignnone" width="640"]
Foto Yasamal rayon İcra Hakimiyyətinin rəsmi saytı[/caption]
